मुम्बईको साततले भवनमा आगलागी, कम्तीमा ६ जनाको मृत्यु
भारतको मुम्बईस्थित गोरेगाउँमा रहेको साततले भवनमा आगलागी हुँदा ६ जनाको मृत्यु भएको छ भने कैयौँ घाइते भएका छन् ।
समाचार एजेन्सी पीटीआईका अनुसार बीएमसी अधिकारीहरूले आज बिहान मुम्बईको गोरेगाउँ क्षेत्रमा रहेको सात तले आवासीय भवनमा आगलागी हुँदा ६ जनाको मृत्यु भएको र ४० जना घाइते भएको जानकारी दिएका हुन् ।
राज्यका उपमुख्यमन्त्री देवेन्द्र फडणवीसले दुर्घटनाप्रति दुःख व्यक्त गरेका छन् । बीएमसीका एक अधिकारीले गोरेगाउँ पश्चिमको आजादनगर क्षेत्रमा रहेको ग्राउन्ड–प्लस–सेभेनको जय भवानी भवनमा बिहान करिब ३ बजे आगलागी भएको बताए ।
आगलागीबाट घाइते भएकाहरूलाई जोगेश्वरीस्थित ट्रमा सेन्टर र कूपर अस्पतालमा भर्ना गरिएको उनले बताए ।
प्रकाशित मिति: शुक्रबार, असोज १९, २०८० १०:२७
प्रतिक्रिया दिनुहोस्
थप बिश्व
