कालीकोटमा जिप दुर्घटना : चालकको मृत्यु
कालिकोट –कर्णाली कोरिडोर अन्तर्गत सिस्नेगाडमा मंगलबार बिहान जिप दुर्घटना हुँदा चालकको मृत्यु भएको छ ।
बाजुराबाट कालिकोट आउने क्रममा ग १ ज ५७९५ नम्बरको जिप सान्नित्रिवेणी गाउँपालिकाको सिस्नेगाडमा बिहान ३ बजे दुर्घटना हुँदा चालक सक्कल शाहीको घटनास्थलमै मृत्यु भएको हो ।
प्रहरीका अनुसार जिप सडकबाट करिब ५० मिटर तल कर्णाली नदीको किनारमा खसेको थियो जिपमा चालक मात्र रहेको प्रहरीले जनाएको छ ।
घटनाका बिषयमा थप अनुसन्धान भइरहेको जिल्ला प्रहरी कार्यालय कालिकोटले जानकारी दिएको छ ।
प्रकाशित मिति: मंगलबार, असोज ३०, २०८० ०९:२४
प्रतिक्रिया दिनुहोस्
