बैतडीको दनपा ३ मा जेष्ठ नागरिकलाई सम्मान
बैतडी - बैतडीको दशरथचन्द नगरपालिका ३ ले जेष्ठ नागरिकहरुलाई सम्मान गरेको छ । बिहीवार वडा कार्यालयमा दशैँ विशेष सुभकामना आदानप्रदान कार्यक्रमको आयोजना गरेर ७० वर्ष भन्दा माथिका जेष्ठ नागरिकहरुलाई सम्मान गरिएको वडा अध्यक्ष अजब बहादुर पाण्डेयले जानकारी दिए ।
स्वास्थ्य शाखाको कार्यक्रम अन्तर्गत वडाका जेष्ठ नागरिकरुलाई सम्मान गरिएको उनले बताए । सम्मान कार्यक्रमा जेष्ठ बृद्ध बृद्धाहरुलाई ओड्ने सल÷पाखि,टर्च, छाता र टेक्ने लौरो समेत प्रदान गरिएको वडा अध्यक्ष पाण्डेयले बताए ।
नगरपालिकाको स्वास्थ्य शाखाले सबै वडामा जेष्ठ नागरिक सम्मान कार्यक्रम राखेको बताइएको छ । अन्य वडाहरुलाई पनि कार्यक्रम गर्न पत्राचार गरिएको नगरपालिकाले जनाएको छ । वडाले सम्मान गरेपछि जेष्ठ नागरिकहरु पनि खुसि भएका छन् ।
प्रकाशित मिति: बिहीबार, कात्तिक २, २०८० १४:२२
प्रतिक्रिया दिनुहोस्
थप बैतडी
साताको लोकप्रिय
