मुगुमा एकै परिवारका चारजनाको शव फेला, हत्याको आशंका
मुगु – मुगुको छाँयानाथरारा नगरपालिका वडा नम्बर ६ मन्दमा एकै परिवारको चारजनाको शव फेला परेको छ । श्रीदवी बोहरा र उनका तीन जना छोराछोरीको शव फेला परेको जिल्ला प्रहरी कार्यालय मुगुका प्रमुख प्रहरी नायब उपरीक्षक (डीएसपी) वीरेन्द्र थापाले जानकारी दिए ।
घटनास्थलमा पुगेर प्रहरीले अनुसन्धान शुरु गरिसकेको उनले बताए ।
ज्यान गुमाउनेहरुमा २८ वर्षकी श्रीदेवी उनका ११ वर्षका छोरा मनोज, आठ वर्षकी छोरी अप्सरा र आठ महिनाका छोरा रहरको शव फेला परेको हो । श्री देवीका श्रीमान् दिपक बोहरा भने वैदेशिक रोजगारीका लागि कतारमा रहेका छन् ।
डिएसपी थापाले हत्याको आशंका रहेको र थप अनुसन्धान भइरहेको जानकारी दिए ।
प्रकाशित मिति: शुक्रबार, कात्तिक १०, २०८० १४:५२
प्रतिक्रिया दिनुहोस्
