प्रधानाध्यापकमाथि गोली प्रहार
बारा –बाराको कलैया उपमहानगरपालिका वडा नम्बर ६ मदरसा टोलस्थित बाल एकता बोर्डिङ स्कुलका प्राधानाध्यापक गुड्डु भनिने रुपेश सरापमाथि गोली प्रहार भएको छ ।
सोमबार दिउँसो करिब १ बजेतिर प्रधानाध्यापक सरापमाथि गोली प्रहार भएको हो ।
दुईवटा मोटरसाइकलमा आएका चारजना अपरिचित व्यक्तिले ३५ वर्षीय सरापमाथि गोली प्रहार गरेको जिल्ला प्रहरी कार्यालय बाराले जनाएको छ । स्कुलबाट मोटरसाइकलबाट घरतर्फ जाँदै गरेका सरापमाथि अज्ञात समूहले गोली प्रहार गरेको हो । उनको छाती र पेटमा दुईवटा गोली लागेको छ ।
गोली लागेका प्रधानाध्यापक सरापको अवस्था गम्भीर रहेको छ । गोली प्रहार गर्नेको खोजी भइरहेको प्रहरीले जनाएको छ ।
प्रकाशित मिति: सोमबार, कात्तिक १३, २०८० १४:२१
प्रतिक्रिया दिनुहोस्
