बझाङमा जिप र बस एकआपसमा ठोक्किए
बझाङ –बझाङमा बस र जिप आपसमा ठोकिएका छन् । जयपृथ्वी राजमार्ग अन्तर्गत बझाङको केदारस्युँ गाउँपालिका वडा नम्बर ४ बाग्थलामा बस र जिप एकआपसमा ठोक्किएका हुन् ।
बझाङबाट धनगढीका लागि छुटेको कर्णाली रिभर साइड यातायात प्रालिको सुदूरपश्चिम प्रदेश ०१००१ ख ३२७९ नम्बरको बस र धनगढीबाट बझाङ जाँदै गरेको सुदूरपश्चिम प्रदेश ०१००१ च ३६१३ नम्बरको जिप एकआपसमा ठोक्किएका प्रहरीले बताएको छ ।
बस र जिप दुवैको अगाडिको भागमा क्षति भएपनि मानवीय क्षति भने नभएको बझाङ प्रहरीले जनाएको छ । दुवै जना चालकलाई अस्थाई ट्राफिक चेक पोस्ट बाग्थलाले नियन्त्रणमा लिएको छ ।
प्रकाशित मिति: सोमबार, कात्तिक २०, २०८० १७:५२
प्रतिक्रिया दिनुहोस्
लोकप्रीय
