आगलागीमा परेर आमा–छोराको मृत्यु
काठमाडौं – गोरखाको धार्चे गाउँपालिका–१ हुल्चुकमा घरमा आगलागी हुँदा जलेर आमाछोराको मृत्यु भएको छ । ७८ वर्षीया कान्छी गुरुङको घरमा आगलागी हुँदा उनी र निजका छोरा ३९ वर्षीय छोरा चनारसिंङ गुरुङको मृत्यु भएको जिल्ला प्रहरी कार्यालय गोरखाले जनाएको छ ।
गएराति भएको आगलागीबाट घर पूर्ण रुपमा क्षति भएको र आमा छोराको घरभित्रै जलेको अवस्थामा शव फेला परेको प्रहरी नायव उपरीक्षक रमेशकुमार श्रेष्ठले बताए ।
आगलागीको कारण खुल्न सकेको छैन् । घटनाबारे आवश्यक अनुसन्धान भइरहेको प्रहरीले जनाएको छ ।
प्रकाशित मिति: आइतबार, कात्तिक २६, २०८० १४:५७
प्रतिक्रिया दिनुहोस्
