बैतडी–मौलिक देउसी–भैलो लोप भइरहेका बेला बैतडीका विभिन्न स्थानमा मौलिक भैलो खेलिएको छ । जिल्लाको दशरथचन्द नगरपालिका १० का विभिन्न ठाउँमा मौलिक भैलो खेलिएको स्थानीय योगेन्द्रसिंह बिष्टले बताए ।
स्थानीय भाषामा गाइने भैलो खेलेर तिहार मनाइएको उनले बताए । स्थानीयहरुकै सहभागितामा रातिको समयमा गाउँगाउँमा पुगेर भैलो खेलिएको उनले बताए ।
भैलोमा विभिन्न आशिष दिने खालका शब्दहरु हुनुकासाथै प्राचीन महत्व बोकेका शब्दहरु गाउने गरिएको बिष्टले बताए । एकजनाले भट्याउने र अरुले ‘भैलो’भन्दै खेल्ने चलन रही आएको बिष्टले बताए ।
पछिल्लो समयमा मौलिक भैलो लोप भइरहेको बेला स्थानीयहरुले मिलेर भैलो खेलेको उनले बताए ।
यस्तै दोगडाकेदार गाउँपालिकाको वडा नं ४ का विभिन्न स्थानमा पनि मौलिक देउसी भैलो खेलिएको स्थानीयहरुले बताएका छन् । स्थानीयबासिन्दाहरुको सहभागितामा भैलो खेलिएको हो ।
