कैलालीमा ३० बर्षीया युवतीमाथि बलात्कार, एक जना पक्राउ
कैलाली –कैलालीमा युवतीमाथि बलात्कार गरेको आरोपमा एक जना पक्राउ परेका छन् ।
जिल्लाको लम्कीचुहा नगरपालिका–३ ढुंगे बजारकी मानसिक सन्तुलन ठिक नभएकी ३० वर्षीया एक युवतीलाई करणी गरेको आरोपमा स्थानीय ४५ वर्षीय प्रकाश जैसीलाई पक्राउ गरिएको जिल्ला प्रहरी कार्यालय कैलालीले जनाएको छ ।
ती युवतीलाई घरमा कोही नभएको मौका छोपी बुधवार साँझ ६ बजेतिर जैसीले करणी गरेको प्रहरीले जनाएको छ ।
घटनाको जानकारी पाएपछि प्रहरी निरीक्षक हरीराम डाँगीको नेतृत्वमा खटिएको टोलीले जैसीलाई पक्राउ गरेको हो । पक्राउ परेका जैसीमाथि अनुसन्धान भइरहेको प्रहरीले जनाएको छ ।
प्रकाशित मिति: बिहीबार, कात्तिक ३०, २०८० १०:१०
प्रतिक्रिया दिनुहोस्
थप कैलाली
