एकै परिवारका तीन जना मृत फेला
काठमाण्डौ – धनकुटामा एकै परिवारका तीन जना मृत अवस्थामा फेला परेका छन् ।
धनकुटा नगरपालिका–१ निगालेका ३५ वर्षीय टीकाराम गुरुङ, उनकी श्रीमती भीमा गुरुङ र ११ वर्षका छोरा आयूष घरभित्रै मृत फेला परेका जिल्ला प्रहरी कार्यालय धनकुटाले जनाएको छ । ६ वर्षकी छोरी आसिकी सकुशल रहेकी छन् ।
गएराति घरायसी विवादमा झगडा भएपछि बुबा टीकारामले छोरीलाई छिमेकीको घरमा लगेर छोडेका प्रहरीको भनाइ छ । त्यसपछि घटना भएको देखिएको र थप अनुसन्धान भइरहेको जिल्ला प्रहरी कार्यालय धनकुटाका प्रवक्ता डीएसपी राजबाबु महर्जनले जानकारी दिए ।
प्रकाशित मिति: बिहीबार, मंसिर ७, २०८० १२:०९
प्रतिक्रिया दिनुहोस्
