पाकिस्तानको एक सपिङ मलमा आगलागी, ११ जनाको मृत्यु
पाकिस्तानको दक्षिणी सहर कराँचीमा रहेको एउटा सपिङ मलमा भएको भीषण आगलागीमा कम्तीमा ११ जनाको मृत्यु भएको छ । आगलागीमा परेर २० जनाभन्दा बढी घाइते भएका छन् ।
कराँची पूर्वी जिल्लाका डेपुटी कमिशनर अल्ताफ शेखले शनिबार भएको आगलागीबाट हालसम्म ११ जनाको मृत्यु भएको बताए । जलेको कारण तीन जनाको अवस्था गम्भीर छ । दक्षिणी सिन्ध प्रान्तका कार्यबाहक मुख्यमन्त्री मकबुल बाकारले यस घटनाको निष्पक्ष छानबिन गर्न आदेश दिएका छन् ।
प्रकाशित मिति: आइतबार, मंसिर १०, २०८० १५:२९
प्रतिक्रिया दिनुहोस्
थप बिश्व
