अबको तीन दिन सुदूरपश्चिममा ठूलो पानी पर्ने सम्भावना
बैतडी –सुदूरपश्चिमका केही ठाउँमा आज ठूलो पानी पर्ने अनुमान गरिएको छ । सुदूरपश्चिमसंगै लुम्बिनी र गण्डकी प्रदेशका केही ठाउँमा ठूलो पानी पर्ने अनुमान गरिएको हो । सुदूरपश्चिमका केही ठाउँमा अहिले हल्कादेखि मध्यमखालको पानी परिरहेको छ । दिउँसो पछि भने ठूलो पानी पर्ने सम्भावना छ ।
मनसुनी वायु पश्चिमी क्षेत्रतर्फ सरिरहेकाले यो क्षेत्रमा लगातारजसो ठूलो पानी पर्ने सम्भावना रहेको मौसमविद्ले बताएका छन् । अबको तीन दिन सुदूरपश्चिमका साथै लुम्बिनी र गण्डकी प्रदेशका केही ठाउँमा ठूलो पानी पर्ने मौसमविद्ले बताएका छन् ।
यस्तै मौसमविद्ले बाढी पहिरोको जोखिम धेरै रहेकाले सतर्कता अपनाउन पनि आग्रह गरेका छन्।
प्रकाशित मिति: शुक्रबार, साउन १, २०७८ ०७:५६
प्रतिक्रिया दिनुहोस्
थप बैतडी
