एक गर्भवती महिलाको हेलिकोप्टरबाट उद्धार
बझाङ –बझाङकी एक गर्भवती महिलाको हेलिकोप्टरबाट उद्धार गरिएको छ । जयपृथ्वी नगरपालिका–११ की ३२ वर्षीया सुनिता थापाको आज हेलिकोप्टरबाट उद्धार गरिएको हो ।
सुत्केरी व्याथा लागेकी थापालाई आइतबार स्वास्थ्य संस्था पुर्याइएको थियो । थापालाई अत्यधिक रक्तश्राव भएपछि आज बिहान नेपाली सेनाको हेलिकोप्टरमार्फत उद्धार गरी सुर्खेत लगिएको जिल्ला प्रहरी कार्यालय बझाङका प्रमुख भरत शाहले बताए ।
थापाको स्वास्थ्य अवस्था अहिले सामान्य रहेको बुझिएको छ ।
प्रकाशित मिति: सोमबार, पुस २, २०८० १६:४९
प्रतिक्रिया दिनुहोस्
लोकप्रीय
