कैलाली –कैलालीमा हाइसले मोटरसाईकललाई ठक्कर दिँदा दुई जना घाइते भएका छन् ।
लम्कीचुहा नगरपालिका–४ बलियास्थित पूर्वपश्चिम राजमार्गमा पूर्वबाट पश्चिम आउँदै गरेको सुदूरपश्चि प्रदेश ०१००१ ज १५४७ नम्बरको इलेक्ट्रिक हाइसले सोही दिशा तर्फ आउदै गरेको से ३ प ६४९३ नम्बरको मोटरसाईकललाई पछाडीबाट ठक्कर दिँदा सोमबार राति दुर्घटना भएको हो ।
दुर्घटनामा मोटरसाईकल चालक लम्कीचुहा नगरपालिका–४ का ३८ वर्षीय चन्द्रप्रसाद चौधरी र मोटरसाईकल पछाडी सवार सोही नगरपालिकाका ३४ वर्षीय लेखराम चौधरी घाईते भएका ट्राफिक प्रहरी कार्यालय अत्तरियाले जनाएको छ ।
चन्द्रप्रसाद चौधरीको स्थानीय लालरत्न अस्पतालमा उपचार भइरहेको र लेखराम चौधरीलाई नेपालगञ्ज रेफर गरिएको प्रहरीले जनाएको छ ।
हाइस चालक कञ्चनपुरको कृष्णपुर नगरपालिका ५ का २२ वर्षीय दिपक धिताललाई इलाका प्रहरी कार्यालय लम्कीले नियन्त्रणमा लिएको छ । हाइस र मोटरसाईकललाई इलाका प्रहरी कार्यालय लम्कीले नियन्त्रणमा लिएर थप अनुसन्धान गरिरहेको प्रहरीले जनाएको छ ।
