बैतडी - बैतडीको सुर्नया गाउँपालिकामा तेस्रो राष्ट्रपति रनिङ शिल्ड प्रतियोगिता यहि पुस १४ गतेदेखि शुरू हुने भएको छ । गाउँपालिकाले एक सूचना जारी गर्दै वडा नं ५ मा रहेको रौलेश्वर मावि रामकिबरायलमा  यहि पुष १४ गतेदेखि १६ गतेसम्म सञ्चालन हुने  सुचनामा उल्लेख छ ।

पालिकाले प्रतियोगितामा सहभागी हुनका लागि पालिका भित्रका सम्पूर्ण विद्यालयलाई अनुरोध गरेको  छ । प्रतियोगितामा छात्रछात्रा भलिबल,कबड्डी,एथलेटिक्स अन्तरगतका खेलहरू हुने  छन  ।

जिल्ला खेलकुद विकास समितिले पुस मसान्तसम्म यहाँका सबै पालिकालाई पालिकास्तरीय प्रतियोगिता सम्पन्न गर्न भनेको छ । सोही अनुसार यहाँका स्थानीय तहहरूले पालिकास्तरीय प्रतियोगिता आयोजनाको तयारी गरिरहेका छन् । स्थानीय तह स्तरीय प्रतियोगिता सम्पन्न भएपछि माघमा जिल्लास्तरीय रनिङ शिल्ड सञ्चालन हुने जिल्ला खेलकुद  विकास समितिले  जनाएको  छ ।