बैतडी –बैतडीको पाटन नगरपालिकामा आजदेखि राष्ट्रपति रनिङ शिल्ड प्रतियोगिता शुरु भएको छ । वडा नं ६ स्थित कृष्ण माविका खेलमैदानमा पालिकास्तरीय रनिङ शिल्ड प्रतियोगिता शुरु भएको हो ।
प्रतियोगितामा नगरपालिकाभरीका १५ ओटै माध्यमिक विद्यालयहरुको सहभागिता रहेको पाटन नगरपालिकाका शिक्षा शाखा प्रमुख ललित पाण्डेयले जानकारी दिए ।
प्रतियोगिता अन्तर्गत भलिबल,कबड्डी, एथलेटिक्स लगायतका खेलहरु खेलाइने पाण्डेयले जानकारी दिए ।
नगर प्रमुख गौरीसिंह रावलको अध्यक्षतामा भएको प्रतियोगिताको उद्दघाटन सत्रमा बैतडीबाट निर्वाचित प्रतिनिधिसभा सदस्य दामोदर भण्डारी प्रमुख अतिथी रहेका थिए ।
उद्दघाटन सत्रमा प्रमुख जिल्ला अधिकारी भीमकान्त शर्मा, जिल्ला खेलकुद विकास समितिका अध्यक्ष चमनकुमार भण्डारी, पाटनका जनप्रतिनिधि, सुरक्षा निकायका प्रमुख तथा प्रतिनिधि लगायतको सहभागिता रहेको थियो ।
