कञ्चनपुरमा भुस्याहा कुकुरले चार लाख मूल्य बढीका कुखुरा मार्यो
कञ्चनपुर – कञ्चनपुरको शुक्लाफाँटा नगरपालिका–११ मा आशा ऐरको कुखरा फार्म भित्र छिरेर भुस्याहा कुकुरले चार लाख रुपैयाँ मूल्य बढीका कुखुरा मारेको छ । कुखुरा फार्मको तारजाली तोडेर भित्र पसेको भुस्याहा कुकुरको हुलले अण्डा दिने लेयर्स जातका छ सय वटा कुखुरा मारिदिएको छ भने सय भन्दा बढी कुखुरा घाइते बनाएको छ ।
फार्ममा १२ सय वटा कुखुरा रहेकोमा अब जम्मा पाँच सय वटा बाँकी रहेका छन् । भुस्याहा कुकुरले यसभन्दा अघि बाटो हिँड्ने बटुवालाई पनि टोक्ने गरेको थियो । नगरपालिकाले भुस्याहा कुकुर नियन्त्रण गर्नुपर्ने स्थानीयको भनाइ छ ।
प्रकाशित मिति: बिहीबार, फागुन १०, २०८० १७:३९
प्रतिक्रिया दिनुहोस्
