बैतडी- बैतडीको पाटन नगरपालिका वडा नं १० मा कक्षा ८ को परीक्षा केन्द्र ब्रहम आधारभूत विद्यालयमा तोकिएको छ । वडास्तरीय शिक्षा समिति,सम्बन्धीत विद्यालयका बिद्यालय ब्यबस्थापन समितीका अध्यक्ष,वडाका निर्वाचित जनप्रतिनीधि र सम्बन्धित बिद्यालयका प्रद्यानाध्यापकहरुसँगको बैठकबाट ब्रहम आधारभूत विद्यालय हतासमा केन्द्र तोक्ने निर्णय गरिएको हो ।
पाटन नगरपालिकाको वडा न १० मा आठ ओटा सामुदायिक विद्यालय रहेका छन् । जस मध्ये निलपालेश्वर माबि डैसिली, सरस्वती माबि सल्लेबासा, कालिका माबि मटे र ब्रहम आबि हतास गरि चार बिद्यालयका ५४ जना बिद्यार्थीहरुले परिक्षामा सहभागी हुने जनाइएको छ ।
नगर शिक्षा समितिले कक्षा ८ को परीक्षा नगरस्तरीय गर्ने र वडाको एक केन्द्र तोक्ने निर्णय बमोजिम वडा शिक्षा समितिले विद्यालयका बिब्यस अध्यक्ष र प्रद्यानाध्यापकहरुसँग छलफल गरी परीक्षाको केन्द्र तोकेको वडा अध्यक्ष धन बहादुर कुवरले जानकारी दिए ।
