कैलाली –कैलालीमा मोहना नदीमा आएको बाढी बस्तीमा पसेको छ । जिल्लाको भजनी नगरपालिका वडा नम्बर ७ हिम्मतपुरमा मोहना नदीको बाढी पसेको जिल्ला प्रहरी कार्यालय कैलालीले जनाएको छ ।

बाढीको उच्च जोखिममा रहेका १७ परिवार मध्ये ६ परिवारलाई सुरक्षित स्थानमा सारिएको जिल्ला प्रहरी कार्यालयका प्रवक्ता एवं प्रहरी नायव उपरीक्षक प्रतीक बिष्टले जानकारी दिए । मोहना नदीको बहाब बढेपछि उनीहरुलाई सुरक्षित स्थानमा सारिएको हो ।