बैतडीमा बालुवा खन्ने क्रममा ढुंगाले लागेर एकजनाको मृत्यु
बैतडी–बैतडीमा बालुवा खन्ने क्रममा माथिबाट खसेको ढुंगा लागेर एकजनाको मृत्यु भएको छ ।
जिल्लाको सिगास गाउँपालिका ५ साउनसल्याडीका अन्दाजी ५४ बर्षीय प्रेमसिंह धामीको ढुंगा लागेर मृत्यु भएको हो । गाउँमा निर्माण भइरहेको साउनसल्याडी सिँचाइ कुलोको लागि बालुवाखानीमा बालुवा निकाल्ने क्रममा माथिबाट खसेको ढुंगा लागेर धामी गम्भीर घाइते भएका थिए । उनको टाउकोमा चोट लागेको थियो ।
उनलाई उपचारका लागि लैजाँदै गर्दा मौरीबगड भन्ने ठाउँमा मृत्यु भएको स्थानीय सूर्यबहादुर बोहराले बताए । बिहीबार साँझ घटना भएको र बिहीबार राति नै धामीको मृत्यु भएको बताइएको छ ।
मृतक धामीका २ छोरा र श्रीमति रहेका छन् । धामीको मृत्युपछि परिवार समस्या परेको छ । धामी परिवारको आर्थिक अवस्था निकै नाजुक रहेको बोहराले बताए ।
प्रकाशित मिति: शनिबार, फागुन २६, २०८० ०९:२५
प्रतिक्रिया दिनुहोस्
थप बैतडी
लोकप्रीय
