बैतडीमा रुखबाट खसेर ३६ वर्षिय युवकको मृत्यु
बैतडी- बैतडीमा रुखबाट खसेर एक युवकको मृत्यु भएको छ । जिल्लाको सिगास गाउँपालिका वडा नं ७ कुलाखोलाका अन्दाजी ३६ वर्षिय युवक हरिभान ऐेरको स्याउला काट्ने क्रममा रुखबाट खसेर मृत्यु भएको हो ।
शनिवार बिहान ६ बजे तिरको समयमा आफ्नै घर नजिकैको खरबारीमा वस्तुभावका लागि स्याउला काट्न रुखमा चढेका उनको खसेर घटनास्थलमै मृत्यु भएको पारिवारिक स्रोतले जनाएको छ । । मृतक ऐेरका घरमा श्रीमती र ४ छोराछोरी रहेको बताइएको छ ।
गत बिहीवार पनि सिगास गाउँपालिका वडा नं ४ गढतोला शैनीकी ४६ वर्षिया हरुलीदेवी बोहराको स्याउला काट्ने क्रममा रुखबाट लडेर मृत्यु भएको थियो ।
प्रकाशित मिति: शनिबार, चैत ३, २०८० १८:३२
प्रतिक्रिया दिनुहोस्
थप बैतडी
लोकप्रीय
