बैतडी- बैतडीको कलौना देउमडा सडक विस्तार सुरु भएको छ । जिल्लाको दोगडाकेदार गाउँपालिका वडा नं ३ को कलौना देखि दशरथचन्द नगरपालिका वडा नं १ देउमडा जोड्ने सडक विस्तार कार्य सुरु भएको दोगडाकेदार गाउँपालिका वडा नं ३ का वडा अध्यक्ष कालु राम सार्की जानकारी दिए ।
अहिले वडाका शखा सडककहरु धमाधम कटिङ भैरहेका उनले बताए । पालिकाको बजेटबाट सडक विस्तार कार्य भैरहेको वडा अध्यक्ष सार्कीले बताए । यस्तै सिल्लेगडा लेकथला हुँदै क्याम्पस जोड्ने सडक निर्माण कार्य पनि सुरु भएको उनको भनाई छ । लेकथला टोलका नागरिकहरुलाई यातायातको पहुँच भित्र ल्याउन अहिले सडक निर्माण भैरहेको वडा अध्यक्ष सार्कीले बताए ।
वडा कार्यालय डाँङा देखि कलौना हुँदै अहिले दशरथचन्द नगरपालिका १ देउमडा जोड्न सडकमा धमाधम काम भैहरेको छ । दोगडाकेदारको कलौना देखि दनपाको देउमडा सम्म सडक विस्तार भए आफुहरुलाई सदरमुकाम आउन धेरै सहज हुने दोगडाकेदार गाउँपालिका ३ कलौनाका स्थानीय युवा शम्भु राज गिरीले बताए ।
यातायातको पहुँच बाहिर रहेका नागरिकहरुलाई सडक सञ्जाल संग जोड्ने काम भैरहेको गाउँपालिकाले जनाएको छ ।
