बैतडी- बैतडी घर भएका देउडा गायक जे आरको ‘हाम्रो देश’ नामक नामक होली गीत बजारमा आएको छ । नयाँ र पुराना पुस्ताले अत्याधिक रुचाएका देउडा गायक जेआर भट्ट को ‘हाम्रो देश’ नामक होली गीत बजारमा आएको हो ।
रगंहरुको पर्व होलीको अवसरमा देउडा गायक भट्टले ‘हाम्रो देश’ नामक होली गीत भिडियो सहित सार्वजनिक गरेका हुन। भट्टको आफ्नै युट्युब च्यानल मार्फत सोमबार राति गीतको म्युजिक भिडियो सार्वजनिक गरिएको छ । गीतमा गायक भट्टलाई चर्चित लोक तथा देउडा गायिका गौरी भट्ट,भानुभक्त जोशी,सुर्य बिरही साउद लगायतको टिमले साथ दिएका छन् ।
देशको समसामयिक अवस्थाबारे होली गित मार्फत उनले व्यंग्य गरेका छन् । जे आर भट्टको शब्द सिर्जना रहेको गीतलाइ जीवन बडुले एरेन्ज मिक्सिङ गरेका छन भने पुष्प भट्टले छायांकन र बिष्णु खड्काले भिडियो सम्पादन गरेका छन। भिडियोमा जे आर भट्ट र दिपा ठगुन्नाको अभिनय रहेको छ। अहिले उनको होली गीत दर्शक स्रोताले मन पराइ रहेका छन् ।
सोमबार राती मात्रै सार्वजनिक भएको गीत अहिले सामाजिक सञ्जालमा भाइरल बनेको छ । देउडाको माध्यमबाट सुदूरको भाषा, कला, संस्कृति र यहाँका पर्यटीय स्थलहरुलाई विश्वसामु चिनाउन लागि परेका गायक जे आर दर्शक स्रोताको मनमुटुमा बस्न सफल छन् । प्रत्यक्ष देउडा खेलबाट भाइरल भएका जेआर अहिले सबैको लोकप्रिय कलाकार बनेका छन् । गायक जेआरले यसअघि ल्याएका मेरी इजु लगायतका गीत पनि धेरैले रुचाएका थिए ।
