बैतडी–बैतडीमा एक पुरुष मृत फेला परेका छन् । जिल्लाको पुर्चौंडी नगरपालिका–३ गैरागाउँका ४६ बर्षीय नरबहादुर बोहरा मृत फेला परेका जिल्ला प्रहरी कार्यालय बैतडीका प्रवक्ता प्रहरी निरीक्षक नन्दराज जोशीले बताए ।
गएको फागुन १९ गतेदेखि हराइरहेका बोहरा बुधबार नौलीगाड भन्ने स्थानमा मृत फेला परेका थिए । स्थानीयहरुले बोहरालाई मृत अवस्थामा फेला पारेपछि प्रहरीलाई खबर भएको प्रहरी निरीक्षक जोशीले बताए ।
मानसिक अवस्था ठीक नभएका बोहरा गएको फागुन १९ गते पसल जान्छु भनि हिँडेका थिए । सोहीदिनदेखि हराइरहेका बोहरा मृत फेला परेका हुन् ।
घटनाका बिषयमा अनुसन्धानका लागि प्रहरी निरीक्षक जोशी नेतृत्वको टोली घटनास्थल पुगेको छ । घटनाका बिषयमा थप अनुसन्धान भइरहेको प्रहरी निरीक्षक जोशीले बताए ।
प्रकाशित मिति: बिहीबार, चैत ८, २०८० ०७:५७
प्रतिक्रिया दिनुहोस्