बैतडीमा जबरजस्तीकरणी र सार्वजनिक कसुर मुद्दाका तीन फरार प्रतिवादी पक्राउ
बैतडी – जबरजस्तीकरणी र सार्वजनिक कसुरविरुद्धको मुद्दामा फरार रहेका बैतडीका तीन जना प्रतिवादी पक्राउ परेका छन् ।
३ दिन कैद सजाय ठहर भई फरार रहेका बैतडीको सिगास गाउँपालिका–३ बस्ने अमरसिंह धामी, मनोजसिंह धामी र सोही मुद्दामा ५ दिन कैद सजाय ठहर भई फरार रहेका राजेन्द्रसिंह धामीलाई सोमवार प्रहरीले पक्राउ गरेको जिल्ला प्रहरी कार्यालय बैतडीका प्रवक्ता प्रहरी निरीक्षक खेमविक्रम केसीले जानकारी दिए ।
जिल्ला प्रहरी कार्यालय बैतडीबाट खटिएको प्रहरी टोलीले फेला पारी उनीहरुलाई पक्राउ गरिएको उनले बताए ।
फैसला कार्यान्वयनको लागि तीनै जनालाई जिल्ला अदालत समक्ष पेश गरिसकेपछि उनीहरुलाई कारागार चलान गरिएको प्रहरी निरीक्षक केसीले बताए ।
प्रकाशित मिति: मंगलबार, चैत १३, २०८० ०७:५३
प्रतिक्रिया दिनुहोस्
थप बैतडी
लोकप्रीय
