कांग्रेसले इलाम–२ मा डम्बर खड्का र बझाङमा अभिषेक सिंहलाई उम्मेदवार बनायाे
काठमाण्डाै – नेपाली कांग्रेसले आउँदो वैशाख १५ गते इलाम–२ मा हुन लागेको उपचुनावमा जिल्ला सभापति डम्बर खड्कालाई उम्मेदवार बनाउने निर्णय गरेको छ ।
आज सभापति शेरबहादुर देउवा निवास बूढानलीकण्ठमा बसेको संसदीय बोर्ड बैठकले उम्मेदवारकाे नाम टुङ्ग्याएकाे हाे । यस्तै बझाङ प्रदेश सभा–१ (क) मा अभिषेक सिंहलाई उम्मेदवार बनाउने निर्णय गरेको छ ।
यसैबीच नेकपा माओवादी केन्द्रले इलाम–२ को उपचुनावमा नेकपा एमालेका उम्मेदवार सुहाङ नेम्वाङलाई सघाउने भएको छ । माओवादी केन्द्रबाट उम्मेदवारका लागि सिफारिस धिरेन्द्र शर्माको नाम हटाएर एमालेका नेम्वाङलाई सहयोग गर्ने निर्णय गरेको माओवादी केन्द्रले जनाएको छ ।
प्रकाशित मिति: बिहीबार, चैत २२, २०८० १७:३६
प्रतिक्रिया दिनुहोस्
लोकप्रीय
