बैतडी- नेकपा एमालेले बैतडीको पुर्चाैडी नगरपालिकामा नयाँ नेतृत्व चयन गरेको छ । मंगलबार देखि जारी दोस्रो नगर अधिवेशनले बुधवार नयाँ नेतृत्व चयन गरेको हो ।
दुई दिन सम्म चलेको अधिवेशनले जयलाल साउदलाई अध्यक्षमा चयन गरेको हो । यस्तै उपाध्यक्षमा धन बहादुर महरा, सविचा लोकेन्द्र ऐरी, उप सचिवमा पार्वती बोहरा र हेमराज पन्त चयन भएको नेकपा एमाले बैतडीका अध्यक्ष नरेश बिकले जानकारी दिए ।
सम्पन्न अधिवेशनले पुर्चौडी नगरपालिकामा ५५ सदस्यीय नगर कमिटी सर्बसम्मत रुपमा चयन गरेको उनले बताए । पुर्चौडी हाटमा सम्पन्न अधिवेशनमा सुदूरपश्चिम प्रदेश सभा सदस्य जानकी ऐर बम , पार्टी अध्यक्ष नरेश बिक, पार्टी इन्चार्ज निरु पाल र केन्द्रीय सदस्य लिलाधर भट्ट , लगायतका एमालेका नेता कार्यकर्ताको उपस्थिति रहेको थियो । बाँकी रहेका पालिकामा पनि छिट्टै अधिवेशन गरिने नेकपा एमाले बैतडीले जनाएको छ ।
