बैतडी- मालपोत कार्यालय बैतडीले विभिन्न कार्यक्रम गर्दैछ । लिखत रजिष्ट्रेशन पारित भएर १०२ वर्ष पूरा भएको उपलक्ष्यमा मालपोत कार्यालय बैतडीले कार्यालयमा विभिन्न कार्यक्रम गरिरहेको हो ।
नेपालमा पहिलो पटक घर जग्गा कारोबारको लिखित रजिस्ट्रेशन पारित भएर १ सय २ वर्ष पुरा भएको अवसरमा मालपोतकार्यलय बैतडीले पनि तीन दिने कार्यक्रम गर्दै छ । भूमी व्यवस्था सहकारी तथा गरिबी निवारण मन्त्रालय र भूमी व्यवस्थापन तथा अभिलेख विभाग मातहतका कार्यालयहरुमा तीन दिने कार्यक्रम गर्न गरिएको पत्राचार अनुसार बैतडीमा पनि कार्यक्रम गरिन लागिएको मालपोत कार्यालय बैतडीका नायब सुब्बा लोकेन्द्र प्रशाद पन्तले जानकारुी दिए ।
उनका अनुसार माथिकै परिपत्र अनुसार लिखत रजिष्ट्रेशन पारित भएर १०२ वर्ष पूरा भएको उपलक्ष्य बैतडीमा पनि विभिन्न कार्यक्रम गरिदै छन् । शुक्रवार कार्यालय परिसरमा सरफाइ गरिएको छ । यस्तै शनिवार दिपप्रज्वलन गरे र दिपावली मनाउने र २ गते प्रथम सेवाग्राहीलाई सम्मान गर्ने कार्यक्रम रहेको कार्यलयका नासु पन्तले बताए ।
नेपालमा पहिलो पटक १९७९ साल वैशाख १ गते घर जग्गा कारोबारको लिखत रजिस्ट्रेशन पारित भएको थियो । सोही दिनको खुसियालिमा भूमी व्यवस्था सहकारी तथा गरिबी निवारण मन्त्रालय र भूमी व्यवस्थापन तथा अभिलेख विभाग मातहतका कार्यालयहरुमा प्रत्येक वर्ष कार्यक्रम हुने गरेका छन् ।
