कैलालीका सीमा नाका आजदेखि बन्द
कैलाली –भारतसंग जोडिएका कैलालीका सीमा नाका आजदेखि बन्द हुने भएका छन् ।
भारतको उत्तर प्रदेश राज्यको खिरी जिल्लामा यही वैशाख ३१ गते चुनाव हुने भएकाले शुक्रबार साँझदेखि सीमा नाका बन्द रहने जिल्ला प्रशासन कार्यालय कैलालीले जारी गरेको सूचनामा उल्लेख गरिएको छ ।
भारतीय पक्षको अनुरोधमा वैशाख २८ गतेदेखि मतदान सम्पन्न नहुँदा सम्म नेपाल–भारत सीमा नाका बन्द रहने जिल्ला प्रशासन कार्यालयका प्रशासकीय अधिकृत शिवराज जोशीले बताए ।
निर्वाचनलाई स्वच्छ, निष्पक्ष, भयरहित र शान्तिपूर्ण रुपमा सम्पन्न गर्न सीमा नाका बन्द गरिने सूचनामा उल्लेख गरिएको छ ।
प्रकाशित मिति: शुक्रबार, वैशाख २८, २०८१ ०९:२६
प्रतिक्रिया दिनुहोस्
थप कैलाली
