![बझाङको सुनकुडा स्वास्थ्यचौकीमा निशुल्क स्वास्थ्य शिविर सञ्चालन हुने](https://www.sagunkhabar.com/uploads/posts/Sunkuda-final-1719455522.jpg)
बझाङ –बझाङको सुनकुडा स्वास्थ्यचौकीमा बृहत निशुल्क स्वास्थ्य शिविर सञ्चालन हुने भएको छ । बित्थडचीर गाउँपालिका वडा नं ९ को आयोजना र नोभा अस्पताल प्रालि धनगढीको समन्वयमा शिविरको आयोजना गरिने वडा नं ९ का वडा अध्यक्ष हरिशचन्द्र जोशीले बताए ।
‘जनतासंग वडा अध्यक्ष कार्यक्रम’अन्तर्गत बृहत निशुल्क स्वास्थ्य शिविर सञ्चालन गरिने भएको हो । यही असार १५ गते सुनकुडा स्वास्थ्यचौकीमा शिविरको आयोजना हुने वडा अध्यक्ष जोशीले बताए ।
वडाबासीहरुलाई गाउँघरकै स्वास्थ्यचौकीमा बिशेषज्ञ स्वास्थ्य सेवा दिने उद्देश्यले शिविरको आयोजना गरिएको हो । शिविरमा स्त्री तथा प्रसूती रोग बिशेषज्ञ डा. सृष्टि जोशी, जनरल फिजिसियन डा. जस्मीन जोशी र बरिष्ठ दृष्टि रोग बिशेषज्ञ डा. सावित्री भट्टले सेवा दिने वडा अध्यक्ष जोशीले बताए ।
गाउँघरकै स्वास्थ्यचौकीमा बिशेषज्ञ स्वास्थ्य सेवा उपलब्ध गराउने उद्देश्यसहित शिविरको आयोजना गरिएकाले शिविरमा सहभागी भइ स्वास्थ्य सेवा लिन समेत आग्रह गरिएको छ ।