![चार लाख १२ हजार घुस रकमसहित शैल्यशिखरका दुई जना कृषि प्राविधिक पक्राउ](https://www.sagunkhabar.com/uploads/posts/Akhtiyra kanchapunr1654159731.jpg)
दार्चुला –अख्तियार दुरुपयोग अनुसन्धान आयोगले चार लाख १२ हजार घुस रकमसहित दार्चुलाको शैल्यशिखर नगरपालिकाका दुई जना कर्मचारीलाई पक्राउ गरेको छ । नगरपालिकाका कृषि प्राविधिक अधिकृत मोहनसिंह धामी र कृषि प्राविधिक अशोकसिंह धामीलाई अख्तियारको टोलीले सोमबार पक्राउ गरेको हो ।
उनीहरुले कृषि समूहको बिल भुक्तानी गर्दा कमिसनबापत सेवाग्राहीसँग घुस मागेको उजुरीका आधारमा आयोगको कार्यालय, कञ्चनपुरबाट खटिएको टोलीले कैलालीको धनगढीबाट पक्राउ गरेको अख्तियार प्रवक्ता नरहरि घिमिरेले जानकारी दिए ।
उनीहरुको साथबाट ५० लाख ६० हजार रुपैयाँको चेकसमेत बरामद भएको अख्तियारले जनाएको छ ।
प्रकाशित मिति: मंगलबार, साउन १, २०८१ १५:०७
प्रतिक्रिया दिनुहोस्