बाख्रा चराउन गएकी बैतडीकी ममता महाकाली किनारबाट बेपत्ता
बैतडी–महाकाली किनारबाट बैतडीकी एक बालिका बेपत्ता भएकी छन् ।
जिल्लाको पञ्चेश्वर गाउँपालिका २ डिम्बरकी १५ वर्षीया ममता मंगोला बिहीबारदेखि बेपत्ता रहेकी जिल्ला प्रहरी कार्यालय बैतडीका प्रहरी निरीक्षक खेमविक्रम केसीले जानकारी दिए ।
महाकाली नदी किनारतिर बाख्रा चराउन गएकी ममता बिहीबार दिउँसो साढे २ बजेदेखि बेपत्ता रहेकी हुन् ।
घरपरिवार र स्थानीयहरुले बिहीबारदेखि नै ममताको खोजी गरिरहेका भएपनि ममता बेपत्ता भएको बिषयमा प्रहरीलाई आज बिहानमात्रै खबर गरिएको प्रहरी निरीक्षक केसीले बताए ।
बालिका महाकाली नदीमा बगेकी हुनसक्ने अनुमानसहित स्थानीय र प्रहरीले खोजी कार्य जारी राखेका छन् । घटनाका बिषयमा थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
प्रकाशित मिति: शुक्रबार, साउन ४, २०८१ ०९:२६
प्रतिक्रिया दिनुहोस्
थप बैतडी
लोकप्रीय
