बैतडी–बैतडी घर भएकी खेलाडी बागमती लावडको उपचारमा आर्थिक अभाव भएको छ । जिल्लाको दशरथचन्द नगरपालिका १० सतपाली घर भएकी १८ बर्षीया एथलेटिक्स, कबड्डी र भलिबलकी खेलाडी लावडको उपचारमा आर्थिक समस्या भएको उनको पारिवारिक श्रोतले जनाएको छ ।
टाउकोमा समस्या देखिएपछि लावडलाई अहिले भारतको नयाँदिल्लीस्थित वसन्तविहार अस्पतालमा भर्ना गरेर उपचार भइरहेको छ ।यसअघि भारतको पिथौरागढ र अल्मोडामा उपचार गराएकी लावडको स्वास्थ्यमा सुधार आउन नसकेपछि दिल्लीमा भर्ना गरेर उपचार भइरहेको हो ।
टाउकोमा मष्तिष्क घातको समस्या देखिएकी लावडको उपचारमा परिवारको आर्थिक अवस्थाले धान्न नसकिने अवस्था आएपछि सहयोगको अपिल गरिएको दशरथचन्द नगर खेलकुद विकास समितिका अध्यक्ष भुपेन्द्र चन्दले बताए ।
खेलमैदानमा आफ्नो उपस्थिती जनाउने बागमती अहिले अस्पतालको बेडमा भएकाले उनको जीवन रक्षाका लागि सहयोगको अपिल गरिएको उनले बताए ।
बागमतीको उपचारमा सहयोग गर्न चाहने महानुभावहरुले तलको क्युआर स्क्यान गरेर सहयोग गर्न सक्नुहुनेछ ।
