बैतडीसहित सुदूरका ६ जिल्लामा भारी बर्षाको सम्भावना
बैतडी–भोलि बिहीवार बेलुकादेखि शनिवार बिहानसम्म मनसुन सक्रिय हुने सम्भावना रहेको छ ।
जल तथा मौसम विज्ञान विभाग, मौसम पूर्वानुमान महाशाखाले आज विशेष मौसमी बुलेटिन निकालेर सुदूरपश्चिमका ६ जिल्लासहित देशका धेरै ठाउँमा तीन दिनसम्म पानी पर्ने पूर्वानुमान गरेको छ ।
सुदूरपश्चिमका बैतडीसहित डडेल्धुरा, अछाम, डोटी, कैलाली र कञ्चनपुरमा ठूलो पानी पर्ने सम्भावना रहेको मौसम पूर्वानुमान महाशाखाले जनाएको छ । यस्तै बर्दिया र सुर्खेतमा पनि ठूलो पानी पर्ने अनुमान गरिएको छ ।
महाशाखाले पानी पर्दा हुनसक्ने बाढी, पहिरो, डुबान तथा गेग्रान बहावको जोखिम, ठूला तथा साना नदी नाला र खोलामा बढ्न सक्ने पानीको सतहलाई ख्याल गरी सावधानी अपनाउन आग्रह गरेको छ ।
प्रकाशित मिति: बुधबार, भदौ २६, २०८१ १८:२२
प्रतिक्रिया दिनुहोस्
थप बैतडी
