बैतडीको सल्सेनामा पहिरो खस्दा महाकाली लोकमार्ग अवरुद्ध
बैतडी–पहिरोका कारण महाकाली लोकमार्ग अवरुद्ध भएको छ । बैतडीको दोगडाकेदार गाउँपालिका–५ सल्सेनामा पहिरो खस्दा लोकमार्ग अवरुद्ध भएको जिल्ला प्रहरी कार्यालय बैतडीले जनाएको छ ।
लोकमार्ग अवरुद्ध हुँदा बैतडीसहित तराइँबाट दार्चुलाका लागि छुटेका सवारी साधन र दार्चुलाबाट अन्यत्रका लागि छुटेका सवारी साधन बीचबाटोमै रोकिएका छन् ।
आज दिउँसो १ बजेतिर खसेको पहिरो पन्छ्याउनका लागि पहल भइरहेको जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए ।
प्रकाशित मिति: बुधबार, असोज २, २०८१ १५:१०
प्रतिक्रिया दिनुहोस्
थप बैतडी
साताको लोकप्रीय
