बैतडीमा बसको ढोकबाट खसेर सहचालक गम्भीर घाइते
बैतडी–बैतडीमा बसको ढोकाबाट खसेर सहचालक गम्भीर घाईते भएका छन् ।
जिल्लाको मेलौली नगरपालिका–७ काडाँका १८ वर्षीय बस सहचालक नविन भट्ट घाईते भएका हुन् । मेलौली नगरपालिका–१ स्थित इलाका प्रहरी कार्यालय तस्सुदेही नजिकै महेन्द्रनगरबाट पञ्चेश्वर जाँदै गरेको पवनदुत यातायातको बस रोक्न खोज्दा सहचालक भट्ट खसेका हुन् । चालकले एक्कासी बे्रक लगाउँदा भट्ट खसेका जिल्ला प्रहरी कार्यालय बैतडीका प्रवक्ता प्रहरी निरीक्षक जनक ढुंगानाले बताए ।
चालक दिपक मल्लले चलाएको ना ८ ख ६३६१ नम्बरको बसको ढोकाबाट आज बिहान ६ बजेतिर खसेका भट्टलाई थप उपचारका लागि धनगढी लगिएको प्रहरी निरीक्षक ढुंगानाले बताए ।
उनको दाहिने कानबाट रगत बगीरहेकाले डडेल्धुरा अस्पतालले थप उपचारका लागि धनगढी रेफर गरेको हो ।
चालक मल्ललाई प्रहरीले नियन्त्रणमा लिएको छ ।
प्रकाशित मिति: शनिबार, असोज १२, २०८१ १६:४९
प्रतिक्रिया दिनुहोस्
थप बैतडी
