सुदुरपश्चिमका पहाडी जिल्लाहरूमा अन्नबाली भित्र्याउने समयमा किसानहरूको जीवनशैलीमा निकै परिवर्तन आउँछ। किसानहरूलाई यस बेला विभिन्न चाडपर्वहरूको तयारी गर्नुपर्ने मात्र होइन, बरु आफ्नो बालीको उत्पादनको बारेमा पनि विचार गर्नुपर्छ ।  धानको कटाई, मकै,भटमासको सङ्कलनका कामहरु विशेष चटारोका साथ गरिन्छ । यो समयमा मौसममा पनि खास ध्यान दिनुपर्छ, किनभने वर्षाका कारण बालीमा क्षति पुग्न सक्छ । चाडपर्वमा परिवारको साथमा रमाइलो हुन्छ, परिवारका सदस्यहरूले एकसाथ मिलेर काम गर्दा केवल वालीनालीको संकलन मात्र होइन, पारिवारिक बन्धनलाई पनि बलियो  बनाउँछ ।

 किसानहरूले चाडपर्वको तयारीको बेला विशेष खानाका परिकार पकाउने गर्छन्, जुन संकलित अन्नबाट बनेको हुन्छ । यो एक प्रकारको आनन्ददायक क्षण पनि हो, जहाँ कामको थकानलाई बिर्सिनु र एक आपसमा रमाइलो गर्न पाइन्छ । धेरैजसो किसानहरूको लागि, दशैं र तिहारको चाडपर्व विशेष महत्त्व राख्छ, तर यो बेला पनि अन्नबालीको हेरचाह र संकलनमा कुनै कमी नहोस् भन्ने चासो हुन्छ । यसैले, चाडपर्व र खेतीको काम संगसंगै हुँदा स्थानीय समाजमा एकताको भावना पनि बढन जान्छ ।