अपांगता भएका बालबालिकाहरुलाई ह्विलचियर वितरण
कञ्चनपुर –कञ्चनपुरमा अपांगता भएका व्यक्तिहरुलाई ह्विलचियर वितरण गरिएको छ ।
शुक्लाफाँटा नगरपालिका–५ वनसमितिमा नेपाली कांग्रेसले मंगलबार आयोजना गरेको पार्टीको सयदिने विशेष अभियानमा अपाङ्गता भएका बालबालिकालाई ह्वीलचियर वितरण गरिएको हो ।
शुक्लाफाँटा नगरपालिका र बेदकोट नगरपालिकाका गरी १४ जना बालबालिकालाई सुदूरपश्चिम प्रदेशका आर्थिक मामिलामन्त्री बहादुरसिंह थापाले मङ्गलबार ह्वीलचियर वितरण गरेको नेपाली कांग्रेसकी नेतृ देवकी जोशीले बताइन् ।
रुडुक नेपालका केन्द्रीय उपाध्यक्ष जोत्सना साउदको पहलमा उपलब्ध भएका ह्विलचियर अपांगता भएका बालबालिकाहरुलाई वितरण गरिएको हो ।
उक्त कार्यक्रममा बोल्दै मन्त्री थापाले अपाङ्गता भएका व्यक्तिहरुलाई सहायक सामग्री उपलब्ध गराउन प्रदेश सरकारले काम गर्ने बताए ।
प्रकाशित मिति: बुधबार, कात्तिक ७, २०८१ १२:११
प्रतिक्रिया दिनुहोस्
लोकप्रीय
