बैतडी–बैतडीको पाटनमा जारी चौथो संस्करणको पाटन प्रिमियर लिग अन्तर्गत निङ्गलाशैनी क्रिकेट क्लब सुपर सिक्समा प्रवेश गरेको छ ।
आज सम्पन्न खेलमा नागार्जुन युवा क्लब,सपरालीलाई ६४ रनले हराउँदै निङ्गलाशैनी सुपर सिक्समा प्रवेश गरेको हो ।
जितका लागि पाएको २४३ रनको विशाल लक्ष्य पछ्याएको नागार्जुन १८ ओभरमा १७८ रनमा समेटियो ।
उसका अनुराग चन्दले सर्वाधिक ४५ रनको योगदान गरेपनि जितका लागि सम्भव हुन सकेन ।
निङ्गलाशैनीका गजेन्द्र बोहराले ३,खडक बोहरा र विरेन्द्र चन्दले २÷२ विकेट हात पारे । खडक म्यान अफ द म्याच चुनिएका स्कोरर दीपेन्द्रबहादुर बोहराले बताए ।
यसअघि श्रीकृष्ण मावि पाटनको खेलमैदानमा टस हारेर ब्याटिङको निम्ता पाएको निङ्गलाशैनीले निर्धारित २० ओभरमा ४ विकेटको क्षतिमा २४२ रन बनायो ।
जसमा दीपक बोहराले अविजित ७८,खडक बोहराले ६३ रनको योगदान दिए ।
नागार्जुनका धिरज ठगुन्ना,गोविन्द नाथ, अम्मर चन्द र कृष्ण भाटले १÷१ विकेट हात पारे ।
