बैतडी–बैतडीका प्रमुख जिल्ला अधिकारी भीमकान्त शर्माको सरुवा भएको छ । गृहमन्त्रालयले शर्माको जिल्ला प्रशासन कार्यालय डोटीमा सरुवा गरेको हो । उनलाई राष्ट्रिय विपद् जोखिम न्यूनीकरण तथा व्यवस्थापन प्राधिकरणमा कामकाज गर्न खटाइने मन्त्रालयले जनाएको छ ।
२०८० साल पुस ६ गते बैतडीमा प्रमुख जिल्ला अधिकारीको रुपमा हाजिर भएका शर्माको १० महिनामा सरुवा भएको हो ।
शर्माको सरुवा गरेर मन्त्रालयले बैतडीमा नयाँ प्रमुख जिल्ला अधिकारीको रुपमा गहृमन्त्रालयका उपसचिव दिर्घराज उपाध्यायलाई खटाएको छ ।
बैतडीको १० महिनाको बसाई निकै सुखद रहेको प्रमुख जिल्ला अधिकारी शर्माले बताए । धार्मिक पर्यटनको प्रचुर सम्भावना बोकको जिल्लाको रुपमा बैतडीलाई औल्याउँदै देवभूमी र पूण्यभूमीमा काम गर्न पाएकोमा गौरव लागेको उनले बताए ।
बैतडी आउनुभन्दा पहिला टाढाको जिल्ला भनेर सोचिएपनि यहाँ आइसकेपछि निकै रमाइलो अनुभूती भएको उनले बताए । जिल्लामा बस्दा सबै पक्षको सकारात्मक सहयोग पाइएको प्रमुख जिल्ला अधिकारी शर्माले बताए । जिल्लामा बस्दा सहयोग गर्ने सबैलाई उनले धन्यावाद समेत ज्ञापन गरेका छन् ।
