धनगढीको एक घरमा चोरी
कैलाली –कैलालीको धनगढीमा एक घरमा चोरी भएको छ । धनगढी उपमहानगरपलिका–४ न्युरोड टोलस्थित शान्ति विष्टको घरमा चोरी भएको हो ।
घरमा कोही नभएको मौका छोपेर नगद, सुन, चाँदी र तीनवटा खुत्रुक्के चोरी भएको घरधनी विष्टले बताएकी छन् । कञ्चनपुरको झलारीस्थित कलुवापुर गएको अवस्थामा घरको गेटको ताल्चा तोडेर घरभित्र रहेको नगद र गरगहना चोरी भएको उनले बताइन् । गाउँबाट आज बिहान घर पुग्दा ताल्चा तोडेर सबै सामान तितरवितर गरेको पाइएको उनले बताइन् ।
चोरले बिष्टको घरमा रहेको दराज समेत तोडेर १४ हजार जति नगद, १२ आना सुन, तीन जोडा चाँदीको बाला र तीनवटा खुत्रुक्के लगेको छ ।
घरमा चोरी भएको बिषयमा प्रहरीलाई जानकारी गराइसकेको बिष्टले बताइन् ।
प्रकाशित मिति: शनिबार, कात्तिक १०, २०८१ १२:४८
प्रतिक्रिया दिनुहोस्
थप कैलाली
लोकप्रीय
