अछाममा जिप दुर्घटना हुँदा चारजना घाइते
अछाम–अछामको रिडीकोटमा जिप दुर्घटना हुँदा चारजना घाइते भएका छन् । लु १ ज ४७११ नम्बरको जिप ब्रेक फेल भएर दुर्घटना हुँदा बाजुराका चारजना घाइते भएका हुन् ।
बयलपाटाबाट बाजुरा जाँदै गरेको जिप रिडीकोटस्थित मध्यपहाडी लोकमार्गको नालीमा पल्टिदा बाजुराको त्रिवेणी नगरपालिका ६ बस्ने १९ बर्षीया नन्दा बुढा, बुढीगंगा नगरपालिका ४ का २७ बर्षीय राजेन्द्र लुहार र उनका छोरा ६ वर्षका सक्षम लुहार तथा बाजुराकै खप्तड छेडेदह गाउँपालिका ३ का २३ बर्षीय रोहित रावत घाइते भएका छन् ।
घाइतेमध्ये नन्दाको टाउको र मुखमा चोट लागेको छ भने अन्य सबैको अवस्था सामान्य रहेको जिल्ला प्रहरी कार्यालय अछामका प्रमुख प्रहरी नायब उपरीक्षक ईश्वरी प्रसाद भण्डारीले बताए ।
घाइते रावत जिपका चालक हुन् । उनीहरुको अछामस्थित न्याय हेल्थ बयलपाटामा उपचार भइरहेको छ ।
प्रकाशित मिति: बिहीबार, कात्तिक १५, २०८१ १७:५१
प्रतिक्रिया दिनुहोस्
लोकप्रीय
