धनगढीमा नगर बसको ठक्करबाट घाइते भएका एकजनाको मृत्यु
कैलाली –कैलालीको धनगढीमा नगर बसको ठक्करबाट घाइते भएका एकजनाको मृत्यु भएको छ ।
धनगढी उपमहानगरपालिका–१४फूलबारीका मनबहादुर भण्डारीको उपचारका क्रममा शुक्रवार बिहान मृत्यु भएको हो ।
धनगढी–१४ फूलबारीस्थित साइनो चोक नजिकै बसको ठक्करबाट घाइते भएका ७५ वर्षीय भण्डारीको उपचारका क्रममा मृत्यु भएको जिल्ला प्रहरी कार्यालय कैलालीका प्रवक्ता कवीन्द्र बोहराले बताए ।
सुदूरपश्चिम प्रदेश ०१–००१ ख ३६०८ नम्बरको बसले बुधवार साँझ भण्डारीलाई ठक्कर दिएको थियो । घाइते भण्डारीलाई उपचारका लागि भारतको उद्रपुर लगिएको थियो । भारतबाट फर्काएका भण्डारीको धनगढीस्थित निर्सग अस्पतालमा शुक्रवार बिहान मृत्यु भएको कैलाली प्रहरीले बताएको छ ।
प्रहरीले चालक र नगर बसलाई नियन्त्रणमा लिएको छ ।
प्रकाशित मिति: शुक्रबार, कात्तिक १६, २०८१ १०:४७
प्रतिक्रिया दिनुहोस्
थप कैलाली
लोकप्रीय
