गरगहना चोरेर फरार रहेका व्यक्ति पानीको तालमुनिबाट पक्राउ
कैलाली –कैलालीको अत्तरियाबाट गरगहना चोरेर फरार रहेका एक व्यक्ति पक्राउ परेका छन् ।
धनगढी उपमहानगरपालिका–४ बोराडाँडीका २२ बर्षीय विज्ञान बस्नेतलाई पानीको तालमा लुकेर बसिरहेको अवस्थामा प्रहरीले पक्राउ गरेको हो ।
गोदावारी नगरपालिका–१ अत्तरियाकी ३४ वर्षीया लक्ष्मी ठगुन्नाको कोठाबाट हिजो सुनका गरगहना चोरेर बस्नेत फरार भएका थिए ।
उनको साथबाट सुनको झुम्का २ थान, सुनको आँैठी १ थान, सुनको नागिनि १ थान, सुनको लकेट १ थान, सुनको चन्द्रमा १ थान, सुनको फुली १ थान फेला पारेको छ । उनलाई इलाका प्रहरी कार्यालय मालाखेतीले पक्राउ गरेको हो । पक्राउ परेका बस्नेतमाथि थप अनुसन्धान भइरहेको प्रहरीले जनाएको छ ।
प्रकाशित मिति: शनिबार, कात्तिक १७, २०८१ १७:२०
प्रतिक्रिया दिनुहोस्
थप कैलाली
लोकप्रीय
