बैतडी–कारागार कार्यालय बैतडीमा सामूहिक भाइटीका लगाइएको छ । बह्रमकुमारी ईश्वरीय विश्वविद्यालय शाखा बैतडीको आयोजनामा कैदीबन्दीहरुलाई सामूहिक भाइटीका लगाइएको हो ।
बह्रमकुमारी ईश्वरीय विश्वविद्यालयका तर्फबाट बैतडी शाखाका सञ्चालक बह्रमकुमारी बिमला बोहरा र आशा भट्टले कारागारमै गएर कैदीबन्दीहरुलाई सामूहिक भाइटीका लगाइदिएका हुन् ।
कारागार कार्यालयमा पुगेर ४५ जना कैदीबन्दीहरुलाई भाइटीका लगाएको बोहराले बताइन् । चाडपर्वको समयमा बन्दीहरुलाई नियास्रो नहोस भनेर सामूहिक रुपमा भाइटीका लगाइदिएको उनले बताइन् ।
बह्रमकुमारी ईश्वरीय विश्वविद्यालयले गतविगतमा समेत कारागार कार्यालयमा सामूहिक रुपमा भाइटीकाको आयोजना गर्दै आएको थियो ।
कैदीबन्दीहरुमा सकारात्मक भावनाको विकास गर्ने र उनीहरुलाई चाडपर्वको समयमा खल्लो नहोस भनेर भाइटीका मनाएको बह्रमकुमारी बोहराले बताइन् ।
