डोटीमा एक महिला मृत फेला
डोटी –डोटीमा एक महिला मृत फेला परेकी छन् ।
सहजपुर–बोगटान सडकखण्ड अन्तर्गत बडिकेदार गाउँपालिकमा २ को चिन्नेमा महिलाको शव फेला परेको हो ।
स्थानीय ५५ बर्षीय भागादेवी भाटको शव सडकबाट करीब एक सय मिटर तल जमीनमा घोप्टो परेको अवस्थामा फेला परेको बडिकेदार गाउँपालिका–२ का वडा अध्यक्ष प्रेमबहादुर घर्तीमगरले जानकारी दिए ।
शनिबार भाइटीकाका लागि आफ्नो घरबाट माइती घर जान लागेकी भाट मृत फेला परेकी हुने । उनी लामो समयदेखि उच्च रक्तचापबाट पीडित थिइन् ।
मृतक भाटको शरीरमा घाउ चोट पटक नदेखिएको र शव पोष्टमार्टमका लागि धनगढी पठाइएको वडा अध्यक्ष घर्तिमगरले बताए ।
प्रकाशित मिति: सोमबार, कात्तिक १९, २०८१ १३:४६
प्रतिक्रिया दिनुहोस्
लोकप्रीय
