डोटीमा भीरबाट लडेर एकजनाको मृत्यु
डोटी –डोटीमा भिरबाट लडेर एकजनाको मृत्यु भएको छ । जिल्लाको सायल गाउँपालिका २ का २८ वर्षीय गणेश ओलीको लडेर मृत्यु भएको प्रहरीले जनाएको छ । ओली मँगलबार घाँस काट्न गएको बेला लडेर घाइते भएका थिए ।
उनी भिरबाट लडेर करिब ३०० मिटर तल खसेको जिल्ला प्रहरी कार्यालय डोटीका प्रहरी उपरीक्षक जनकराज पाण्डेयले बताए । लडेर घाइते भएका उनलाई उपचारका लागि हिजो नै डडेल्धुरा अस्पताल लगिएको थियो । उनको उपचार हुन नसकेर घर ल्याउँदै गर्दा बाटोमै मृत्यु भएको प्रहरीले जनाएको छ ।
प्रकाशित मिति: बुधबार, साउन २७, २०७८ १४:२२
प्रतिक्रिया दिनुहोस्
थप डोटी
लोकप्रीय
