दार्चुला- दार्चुलामा हाईस दुर्घटना भएको छ । जिल्लाको शैल्यशिखर नगरपालिका वडा नम्बर–९ नकतड (पडाल) चेक पोष्ट नजिकै शनिबार सडकमा हाईस पल्टिएर दुर्घटना भएको जिल्ला प्रहरी कार्यालय दार्चुलाका प्रहरी निरीक्षक एंव सूचना अधिकारी कान्तिराज जोशीले बताए ।
जिल्ला सदरमुकाम खंलगाबाट महेन्द्रनगर तर्फ जादै गरेको भिमदत्त नगरपालिका वडा नम्बर–१२ का ४४ वर्षीय रामबहादुर महराले चलाएको बा ५ ख ५२६५ नम्बरको हाईस ब्रेक फेल भएर नकतड (पडाल) मा दुर्घटना भएको सूचना अधिकारी जोशीले बतए । १७ जना सवार हाईसमा पाँच जना घाईते भएका छन् ।
घाईते हुनेमा शैल्यशिखर–६ पनेबाजकी १४ वर्षीया जस्मीना धामी, वडा नम्बर–७ देवथलीका ८० वर्षीय बिष्णुदत्त जोशी, १० वर्षीय नाती हिमान्सु जोशी, कञ्चनपुर बेदकोट नगरपालिकाकी वडा न ७ बस्ने ४० वर्षीया बसन्ती बिष्ट र सहचालक कैलालीको बर्दगोरीयाका २२ वर्षीय रोहित स्वाँर रहेका छन् ।
अन्य यात्रु सकुसल रहेको र घाईतेहरुको गोकुलेश्वरको मालिकार्जुन अस्पतालमा उपचार भइरहेको जोसीले बताए ।
