बैतडीमा भरुवा बन्दुकसहित दुई जना पक्राउ
बैतडी –बैतडीमा भरुवा बन्दुकसहित दुई जना पक्राउ परेका छन् ।
जिल्लाको दशरथचन्द नगरपालिका–९ लमौताका ३६ वर्षीय तारादत्त जोशी र ४३ वर्षीय महेशदत्त जोशी भरुवा बन्दुकसहित पक्राउ परेका जिल्ला प्रहरी कार्यालय बैतडीका प्रवक्ता प्रहरी निरीक्षक बलराम पाण्डेयले जानकारी दिए ।
उनीहरुलाई एक थान भरूवा बन्दुकसहित शुक्रबार राति प्रहरीले पक्राउ गरेको हो ।
मादक पदार्थ सेवन गरेर बन्दुकसहित स्थानीयहरुलाई तर्साउन खोजेपछि नागार्जुन प्रहरीचौकीबाट खटिएको प्रहरी टोलीले दुवैजनालाई नियन्त्रणमा लिएको प्रहरी निरीक्षक पाण्डेयले बताए ।
पक्राउ परेकाहरुकामाथि भोलि (आइतबार) जिल्ला अदालतबाट म्याद थपेर अनुसन्धान शुरु गरिने प्रहरी निरीक्षक पाण्डेयले जानकारी दिए ।
प्रकाशित मिति: शनिबार, मंसिर १, २०८१ २१:१६
प्रतिक्रिया दिनुहोस्
लोकप्रीय
