बैतडी - बैतडी घर भएका पत्रकार सन्तोष पाण्डेय ‘सर्वोत्कृष्ट कला पत्रकारिता’ अवार्डबाट सम्मानित भएका छन ।
कैलालीको धनगढीमा सम्पन्न तेस्रो सुप इन्टरटेन्मेन्ट म्युजिक अवार्ड २०८१ मा पत्रकार पाण्डेय ‘सर्वोत्कृष्ट कला पत्रकारिता’ अवार्डबाट सम्मानित भएका हुन् । बैतडीको पाटन नगरपालिका वडा नम्बर २ सिलङ्गा घर भएका पाण्डेय विगत एक दशक देखि पत्रकारिता क्षेत्रमा सक्रिय छन भने अत्तरिया न्युजका बैतडी सम्बादाता र गोदावरी पत्रकार मञ्चका सस्थापक सदस्य समेत हुन । तेस्रो सुप इन्टरटेन्मेन्ट म्युजिक अवार्ड २०८१ मा ‘सर्वोत्कृष्ट कला पत्रकारिता’ अवार्डबाट सम्मानित हुँदा खुसी लागेको र अझ पत्रकारिता क्षेत्रमा लाग्ने थप प्रेरणा मिलेको पत्रकार पाण्डेय ले बताए ।
सुप इन्टरटेन्मेन्ट हाउस प्रा.लि. र बाडुल्की मिडिया हाउस प्रा.लि को आयोजनामा सोमबार भएको अवार्ड बितरण तथा श्रष्टा सम्मान कार्यक्रम द रेसिडेन्सी इन वैभव प्यालेस एण्ड रिसोर्ट धनगढीमा सम्पन्न भएको सुप इन्टरटेन्मेन्ट हाउसका अध्यक्ष अनुप चन्द ठकुरीले बताए ।
सुप इन्टरटेन्मेन्ट हाउस र बाडुल्की मिडिया हाउसद्वारा आयोजित तेस्रो राष्ट्रिय सुप इन्टरटेन्मेन्ट म्युजिक अवार्ड कार्यक्रममा सर्वोत्कृष्ट गीत, गायन, लय, शब्द, अभिनय, छायांकन, सम्पादन, निर्देशन, कला पत्रकारिता र उद्घोषण सहित २२ विधामा अवार्ड प्रदान गरिएको अध्यक्ष ठकुरीले बताएका छन ।
